Emmuska Orczy var fødd i Tarnaös i Ungarn. Familien, som tilhøyrde det ungarske aristokratiet, forlét godset sitt på landsbygda i 1869 sidan dei frykta eit bondeoppgjer. Etter opphald i ulike byar på det europeiske kontinentet etablerte Orczy seg i London saman med den britiske illustratøren Henry MacLean Barstow, som ho gifte seg med.

Sjølv om Orczy fekk dårleg respons på debutromanen sin, The Emperor's Candlesticks (1899), heldt ho fram med å skrive romanar og detektivforteljingar. Ei av detektivforteljingane danna grunnlaget for skodespelet og romanen Den røde pimpernell, utgitt i 1903 og 1905. Forteljinga handlar om ein engelsk aristokrat, Sir Blakeney, som reddar franske aristokratar frå giljotinen under den franske revolusjonen. Etter ein svak start blei skodespelet ein uvanleg suksess med til saman meir enn 2000 framvisingar gjennom mange år. Orczy skreiv mange nye versjonar av forteljinga om Sir Blakeney og ligaen hans, den siste i 1940.

Ho skreiv også romansar og andre historiske romanar. Lady Molly of Scotland Yard (1910) er eit tidleg eksempel på ein detektivroman med kvinneleg hovudperson.

Orzcys påverknad knyter seg særleg til Den røde pimpernell og dei mange bøkene hennar som byggjer på denne romansuksessen. Romanen blei omsett til mange språk. Den er også blitt adaptert til teikneserie, film og TV. Orczy blei tidleg ein populær forfattar i mange land, inkludert Norge.

• Den røde pimpernell. Omsett av Mimi Sverdrup Lunden. Oslo: Aschehoug, 1940. Også seinare utgåver.
• The Case of Miss Elliott. Omsett av Elisabeth Riise. Kristiania: Aschehoug, 1922.
• Tor Åge Bringsværd (1988). Pimpernell. Skuespill. Fritt etter Baronesse Orczys roman Den røde pimpernell. Oslo: Solum Forlag.

• Den røde pimpernell
• Storbritannias litteratur

• Encyclopedia Britannica: Baroness Emmuska Orzy
• Marcus, Laura og Peter Nichols (red. 2012). The Cambridge History of Twentieth-Century English Literature. Cambridge: Cambridge University Press.