Zoologi er læra om dyr og korleis dei lever. Zoologi er eit fag under biologi og er ein type naturvitskap.
Ein som har studert zoologi på universitetet, blir kalla zoolog.
zoologi
Jane Goodall er kanskje den best kjende zoologen i verda. Ho har studert korleis sjimpansar lever og kommuniserer i over 60 år.
I dyrehagar, også kalla zoologiske hagar, lever ville dyr innanfor eit avgrensa område. Då kan forskarar studere dei, samstundes som publikum kan kome på besøk og lære om ulike dyr. Biletet viser ein amurtiger med tre ungar, som vart fødde i Dyreparken i Kristiansand.
Kva ein zoolog gjer
Ulike retningar innan zoologi
Ein kan dele inn faget etter kva zoologane studerer:
- Korleis dyr er i slekt, blir kalla dyresystematikk
- Korleis dyr lever i ulike miljø, blir kalla dyreøkologi
- Korleis kroppen til dyr verkar, blir kalla dyrefysiologi
- Korleis kroppen til dyr er bygd opp, blir kalla dyreanatomi
- Kvar i verda dei ulike dyra finst, blir kalla dyregeografi
- Korleis dyr har utvikla seg, sidan Jorda vart til, blir kalla paleozoologi
