Evje er ein tettstad i Evje og Hornnes kommune i Agder. Tettstaden er ifølgje SSBs definisjon 3,7 km², og har 2757 innbyggjarar (2023).

Evje er administrasjonssenter i Evje og Hornnes kommune, og ligg ved elva Otra, der fylkesvei 42 (Arendal–Egersund) møter riksvei 9 (Kristiansand–Haukeligrend). Tettstaden har variert industri, mellom anna treindustri og båtproduksjon, og eit industrivekstanlegg (SIVA). Feltspatbrôt. Evje er eit viktig handelssenter for Setesdal. Evje kyrkje er bygget i tre og vart oppført i 1891.

Like sør for Evje lå militærleiren Evjemoen fram til 2002. I den gamle militærleiren er det i dag næringspark, kino og kommuneadministrasjonen samt øvings- og skytebane.

Det er ei rekkje sjeldne mineralar i Evje og Hornes og Iveland, i samband med dette er det oppretta ei avdeling av Setesdalsmuseet, Evje og Hornnes Geomuseum. Dette har ei stor mineralsamling, fagbibliotek og utstilling som viser den lokale gruvehistoria, i tillegg til noko av Marie Curies mineralsamling og laboratorieutstyr.