Torgeir Knag Fylkesnes er ein norsk politikar for Sosialistisk Venstreparti (SV) som er stortingsrepresentant frå Troms i perioden 2013–2025. Han er nestleiar i SV 2019–2025.
Torgeir Knag Fylkesnes
Faktaboks
Torgeir Knag Fylkesnes
- Fødd
- 4. juni 1975, Tromsø, Troms
Bakgrunn
Torgeir Knag Fylkesnes er fødd i Tromsø. Etter å ha fullført Kongsbakken videregående skole i 1994 utdanna han seg som cand.philol. i filosofi ved Universitetet i Tromsø i 2002.
Fylkesnes dreiv i perioden 1999–2013 teknologi- og reklameselskapet Arc Giraff. Han har vore kommunikasjonsrådgivar i Sjukepleiarforbundet 2007–2010 og i Teknologirådet 2010–2013.
Politisk karriere
Fylkesnes var leiar av Sosialistisk Studentlag Tromsø i 1997–2001 og var medlem av kommunestyret i Tromsø i 1999–2002. Han var rådgivar i SV i 2002–2007. Sidan då har han hatt fleire verv i SV, mellom anna som fylkesleiar i Troms i 2011–2012 og som sentralstyremedlem i 2012–2015. I 2001–2005 var han vararepresentant på Stortinget for SV frå Troms.
Fylkesnes har vore fast stortingsrepresentant på Stortinget sidan 2013. Han var medlem av kyrkje-, utdannings- og forskingskomiteen i 2013–2015, av kontroll- og konstitusjonskomiteen i 2017–2019 og av næringskomiteen sidan 2015. Sidan 2017 har han vore første nestleiar i næringskomiteen. Frå 2021 er han og parlamentarisk nestleiar. Han frasa seg gjenval ved valet 2025 og tok heller ikkje gjenval som nestleiar i SV.
Politisk ståstad
Torgeir Knag Fylkesnes har vore ein viktig talsperson for eit kystopprør i Nord-Noreg mot sentralisering, både når det gjeld fiskeripolitikk og for offentlege tenester.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.