Content-Length: 53087 | pFad | https://snl.no/VaksdalPosten
VaksdalPosten er ei norsk lokalavis for Vaksdal og Modalen i Vestland. Ho kjem ut i papirformat på Dale kvar torsdag og som dagleg oppdatert nettavis.
VaksdalPosten vart kjøpt av Amedia i 2024, etter å ha hatt eit nært teknisk og redaksjonelt samarbeid med Amedia sidan 2021. Avisa hadde då hatt eit tilsvarande samarbeid med Polaris Media Sør frå 2017. Avisa er medlem av Landslaget for lokalaviser.
VaksdalPosten publiserer stoffet på ulike digitale flater. Nettavisa vart oppgradert i 2015, med innføring av betalingsmur for andre enn abonnentar som vil lesa artiklar på nett.
Vaksdal kommune, nordaust for Bergen, har i etterkrigstida hatt fleire lokalaviser, mellom dei Vaksdalsnytt i 1975, som vart starta av Harald Stanghelle og i 1977 overteken av lokale arbeidarpartifolk. Dei heldt det gåande til 1987.
Seinare same året, 10. september 1987, kom VaksdalPosten ut med det første nummeret. Det var ei gruppe næringsdrivande på staden som såg behovet for eit lokalt annonseorgan. Den redaksjonelle målforma er nynorsk.
| tidspunkt | |
|---|---|
| 1988 | 1871 |
| 1990 | 2448 |
| 1991 | 2387 |
| 1992 | 2106 |
| 1993 | 2460 |
| 1994 | 2313 |
| 1996 | 2176 |
| 1997 | 2373 |
| 1998 | 2389 |
| 1999 | 2348 |
| 2000 | 2392 |
| 2001 | 2392 |
| 2002 | 2408 |
| 2003 | 2409 |
| 2004 | 2282 |
| 2005 | 2397 |
| 2006 | 2395 |
| 2007 | 2405 |
| 2008 | 2339 |
| 2009 | 2326 |
| 2010 | 2306 |
| 2011 | 2270 |
| 2012 | 2250 |
| 2013 | 2253 |
| 2014 | 2295 |
| 2015 | 2273 |
| 2016 | 2183 |
| 2017 | 2200 |
| 2018 | 2177 |
| 2019 | 2233 |
| 2020 | 2198 |
| 2021 | 2265 |
| 2022 | 2233 |
| År | Opplag | |
|---|---|---|
| 1990 | 2448 | |
| 2000 | 2392 | |
| 2005 | 2397 | |
| 2010 | 2306 | |
| 2015 | 2273 | |
| 2020 | 2198 | |
| 2021 | 2265 | |
| 2022 | 2233 | |
| 2023 | 2084 |
Til og med 2015 gjeld opplagstala berre for papirutgåva. Frå 2020 vert netto opplagstal for både digitalt abonnement og papirabonnement i andre halvår nytta. Kjelda er opplagstala som avisene rapporterer til Mediebedriftenes Landsforening (MBL).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.