Vikøy er ein tettstad i Kvam kommune i Vestland. Tettstaden er ifølgje SSBs definisjon 0,5 km², og har 393 innbyggjarar (2023).

Tettstaden ligg ved Fylkesveg 49 like søraust for Norheimsund. Nær tettstaden ligg Framnes vidaregåande skule som er drive av Indremisjonssamskipnaden.

Vikøy er også eit sokn i Kvam kommune, Vestland fylke, tidlegare kalla Vikør som inntil 1911 også var namn på heile kommunen. Soknet utgjer i dag den midtre delen av Kvam kommune som har Norheimsund som administrasjonssenter. Ei stavkyrkje er nemnd i Vikøy så tidleg som 1316. Denne blei erstatta av den noverande kyrkja i 1838.

Namnet er opphavleg eit gardsnamn, førsteleddet siktar til ei vik ved garden, sisteleddet øy er 'lågtliggjande lende ved vatn'.