Praktrustand er ein middels stor andefugl i andefamilien og har naturleg utbreiing i Australia og på New Zealand.
Faktaboks
- Vitskapeleg namn
- Tadorna tadornoides
- Beskriven av
- (Jardine & Selby, 1828)
- Framandartstatus i Noreg
- LO – Lav risiko
Som vaksen er fuglen ca. 60 cm lang, hannfuglar veg rundt 1,6 kilo og hofuglane rundt 1,3 kilo.
Arten er knytt til mudder, tørr savanne, temperert grasmark og ulike våtmarkshabitat. Praktrustand lever i hovudsak av virvellause dyr (invertebratar), plantedelar og frø som han finn i vassoverflata og på bakken.
Hekking skjer éin gong i året, og i løpet av hekkeperioden legg hofuglen rundt ti egg som blir ruga ut i løpet av ca. 30 dagar. Reira blir bygd i hôlrom. Ungane forlèt reiret om lag ni veker etter klekking.
Praktrustand lever vanlegvis i rundt åtte år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.