Vindusmygg er ein familie av insekt i ordenen tovinger. Det er kjent litt over 120 artar i verda, fordelt i seks slekter og to underfamiliar. Den eine underfamilien, Mycetobiinae, blir stundom rekna som ein eigen familie, Mycetobiidae (som på norsk har namnet sevjemygg). I Noreg er det påvist åtte artar vindusmygg totalt, sju i slekta Sylvicola og éin i slekta Mycetobia.

Dei er små mygg som ikkje syg blod. Larvane til Sylvicola-artane utviklar seg fuktig, rotnande plantemateriale som frukt, potet, tresaft eller kumøkk. Larvane til Mycetobia lever i små grupper under borken til daude tre, i sevje, rotehol eller andre miljø knytt til daud og rotnande ved.